Transferimet e lojtarëve të futbollit janë kthyer në qendër të vëmendjes për disa arsye, një ndër to janë edhe fitimet që marrin agjentët.
Bazuar në këtë detaj FIFA ka vendosur që të bëjë disa ndryshime si vendosja e kufirit prej 10% në tarifat e të gjithë agjentëve duke filluar nga sezoni i ardhshëm, ndërsa u bë e ditur se 443.65 milionë euro u paguan për ndërmjetësit vetëm në vitin 2021, nga të cilat 183.18 milionë euro prej tyre të ndara mes klubeve angleze dhe italiane.
Nga studimi i bërë rezultoi s klubet angleze kishin ndërmjetës të përfshirë në 203 nga 562 transferimet e tyre hyrëse për këtë vit, pra 36.1% të rasteve. Teksa skuadrat italiane kishin ndërmjetës që punuan në 35.5% të transferimeve.
Në raportin e realizuar nga FIFA tregohet se rreth 443.65 milionë euro janë shpenzuar për ndërmjetësit në vitin 2021, por kur bëhet fjalë për shifrat, Anglia është shumë përpara me 118.08 milionë euro.
Më pas vjen Gjermania me 74.67 milionë euro, Italia me 65.1 milionë euro dhe një rënie e madhe ka në Spanjë me 34.8 milionë euro, Franca 30.3 milionë euro dhe Portugalia me 29.3 milionë euro.
Këto shifra të frikshme e kanë bërë FIFA që të vendos një kufi prej 10% në tarifat e agjentëve nga sezoni i ardhshëm./K.T/Gijotina.com
Discussion about this post