Fifi dhe Adis Patushi kanë disa muaj që janë në një lidhje dashurie dhe janë një nga çiftet më të komentuara në rrjet këtë periudhë.
Pas daljes së këngëtares së njohur nga shtëpia e “Big Brother VIP”, Fifi është komentuar shpesh nëse është lidhur apo jo me Adisin, derisa vetë të dy e pranuan publikisht gjatë një koncerti të Fifit.
Tashmë kanë kaluar gati tre muaj nga zyrtarizimi i lidhjes së tyre dhe duket se gjërat po rrjedhin aq mirë mes dyshes saqë një postim i Fifit në rrjetin e saj social Instagram i ka habitur shumë fansat.
“E dashuroj dashurinë tonë”, shkruan këngëtarja mjaft e dashur për publikun shqiptar.
Më pas ajo poston të njëjtën foto në “Instastory “dhe e etiketon Adisin duke e quajtur atë “babi”, ndërsa ky i fundit bën të njëjtin veprim duke e quajtur Fifin “mami”.
Kaq ka mjaftuar që fansat të vërshonin me komente dhe pikëpyetje nëse bëhej fjalë për një pritje të ëmbël nga ana e Fifit.
Çifti i njohur ende nuk ka dhënë një deklaratë për këtë lajm, por mbetet për t’u konfirmuar me kalimin e kohës.
Discussion about this post