Opinionistja e “Big Brother VIP”, Balina Bodinaku, gjatë një interviste në emisionin “Goca dhe Gra”, ka folur për situatën ku Fifit i ra të fikët pas debatit me të.
Ajo tha se nuk e kishte menduar kurrë se do ndodhte një gjë e tillë, pavarësisht se kishte marrë përsipër të përballonte çdo kosto që në momentin që mori përsipër këtë pozicion.
“Po mundohesha të kuptoja ca kisha thënë, a isha unë shkaktarja. Kjo është një gjë që e kam marrë përsipër, por nuk mendoja që do ndodhte një gjë e tillë. Por kisha marrë parasysh që do përballesha me fansat e personave që janë brenda. Ka shumë tifozllik dhe me këta nuk racionalizon dot dhe është e kotë të mërzitesh e të gjykosh” – tha Balina.
Më pas Bodinaku tha se ka marrë mallkime nga të gjitha llojet, nga fansat e këngëtares së njohur.
“Mallkime nga të gjitha llojet, se nuk dua të më dëgjoj mami tani. Është një gjë që e kam marrë përsipër që kur pranova të jem në ‘Big Brother VIP’. Do përballesh me fansat e personave që janë brenda. Kjo më ka ndodhur edhe më para Fifit. Njëherë jam më e mira e njëherë më e poshtra. Ka shumë tifozllëk dhe është e kotë të mërzitesh” – u shpreh Balina.
Rikujtojmë se personi i parë që Fifi përqafoi, kur u bë pjesë e studios ishte Balina Bodinaku. Ky veprim i këngëtares ishte i papritur për të gjithë sepse vetëm pak ditë më parë ajo debatoi me Balinën dhe e quajti shkaktare të gjendjes së saj. Pasi e përqafoi, Fifi i kërkoi të falur, një gjest ky që përloti Balinën.
Discussion about this post