Fifi i kushtoi lojën, Arditi sqaron të vërtetën e marrëdhënies me këngëtaren

Ish-konkurrenti i “Big Brother VIP”, Ardit Çuni, gjatë një interviste për emisionin “Pardon My French” ka zbuluar disa detaje në lidhje me marrëdhënien e tij me Fifin .

Kujtojmë, se ditën e djeshme teksa Arditi hyri përsëri në shtëpinë e “Big Brother Vip”, por këtë herë për një sqarim mes tij dhe Fifit, ajo bëri një deklaratë e cila shumë shpejt bëri xhiron e rrjetit.

“Unë nuk e kam mik të ngushtë Arditin, e kam mik. Kam punuar me të, ia kam bërë dy këngë, tek njëra nuk i mora asnjë lekë, te tjera vetëm gjysmën e çmimit, sepse unë nuk shitem për pak. Po Ardit, e kam dashur Granitin më shumë se ty brenda.”

Lidhur me këtë deklaratë Ardit Çuni sigurisht që e kishte një përgjigje, duke thënë të vërtetën e tij në lidhe me bashkëpunimin mes dy artistëve.

“Unë nuk e kisha dëgjuar pjesën e këngës sepse do kisha nxjerrë lekë do e pyesja sa i detyrohem. Nuk më duket aspak profesionale, ndoshta e ka thënë në nerva e sipër për pjesën e këngës. Po, është zhgënjim sepse disa marrëdhënie janë diskrete. Është si të them unë sa e ka Fifi tekstin. Janë disa marrëdhënie profesionale diskrete…

Bëhet fjalë për këngën “Qaj” që i jam shumë mirënjohëse asaj për tesktin. Këngën do e shkruante dikush tjetër, por ajo më tha “të lutem ma shkruaj dhe s’do të marr lekë”, nuk ishte kërkesë e imja, ishte ajo që e kërkoi sepse i pëlqeu shumë. Këngën e dytë ia kam paguar sa e ka, jo gjysmë çmimi.”

Duket se, marrëdhënia me Fifin e ka penalizuar deri diku lojën e Arditit, dhe ai tregoi përjetimin e tij lidhur me këtë raport.

“Nuk do të përfshihesha aq shumë emocionalisht në situatën e Fifit. Hyra dje sepse nuk kam marrë asnjë sqarim nga Fifi. Jam penalizuar në debatet me Donaldin apo Semin sepse kam mbajtur anën e Fifit… Megjithatë, unë doja t’i jepja një sinjal që jashtë nuk po dukej mirë, ia dhashë por ajo e keqkuptoi… Unë sigurisht e fal se nuk ka bërë ndonjë gjë të madhe.”

Rikujtojmë se ditën e djeshme, Arditi u përball me Fifin në oborrin e shtëpisë së “Big Brother VIP”. Përballja erdhi si pasojë e vendimit që Fifi mori për të shpëtuar Granitin nga eleminimi. Arditi, gjatë një interviste për “Shqipëria Live”, u shpreh për këngëtaren se e ka konsideruar si mikeshë, por veprimi i fundit që bëri, e cila sipas tij ishte arsyeja e largimit nga emisioni, e ka quajtur si pafytyrësi. Gjatë debatit të tyre, Fifi i kërkon falje kantautorit, ndërsa ai e pranon dhe i thotë që të hyjë në shtëpi dhe të vazhdojë lojën e saj, pasi aty ishte futur vetëm për të sqaruar gjërat mes tyre.