Këngëtarja e estradës shqiptare, Fifi ka bërë një kërkesë publike për disa nga krerët më të rëndësishëm të institucioneve shtetërore në vend.
Përmes një postimi në Instastory, ajo i ka kërkuar presidentit Bajram Begaj, kryeministrit Edi Rama, kryebashkiakut Erion Veliaj dhe ministres së Kulturës Elva Margaritit, të marr një pasaportë shqiptare.
“Si një vajzë shqiptare nga Kosova që veproj dhe jetoj tash e 7 vite në Shqipëri dhe dua fort të pajisem me pasaportën shqiptare me shqiponjë. A mund të ndodhi që të bëhem shqiptare ndonjëherë?”, ka shkruar këngëtarja në formë lutjeje.
Kujtojmë që Fifi po shijon lidhjen e dashurisë me Adis Patushi. Ata u njohën, kur Fifi doli nga shtëpia e famshme e “Big Brother VIP” dhe janë duke kaluar në maksimum kohë me njëri-tjetrin, teksa shfaqen shumë të dashuruar.
Discussion about this post