Filloreta Raçi e njohur ndryshe si “Fifi” ka publikuar këngën më të re me titull “Vëmendje”. Në pamje të parë, kuptohet që hiti flet për eksperiencën e saj brenda spektaklit “Big Brother VIP”. Fifi nuk lë pa përmendur as akuzat pas daljes nga shtëpia më e famshme në Shqipëri, se gjithçka e ka bërë për vëmendje.
Këngëtarja ndalet gjithashtu te momenti kur i bie të fikët gjatë spektaklit live, që u pasua më pas me daljen e saj nga “BB VIP”, teksa ironizon komentet se ka qenë aktrim nga ana e saj. Mes të tjerash, këngëtarja shprehet se e kanë përdorur dobësinë e saj teksa thekson “dikush po kënaqet me dhimbjen time”.
“Spontanisht me qajt, krejt thonë drama queen. Parameno gabimisht me të rënë të fikët. Ke aktru, do vëmendje. E ka bo për vëmendje, për vëmendje…A është dikush atje që ka me më dasht, a është dikush jashtë me m’përqaf. Dikush po knaqet, me dhimbjen tem po knaqet”, thotë ajo mes rreshtash.
Kujtojmë që pak ditë më parë, artistja e shumë hiteve reagoi ashpër ndaj organizatorëve të “Big Brother VIP”, pas një promoje që publikuan për edicionin e dytë të reality shoë-t. Në promo, përfshihej gjithashtu momenti ku asaj i bie të fikët, i cili u komentua gjerë e gjatë në rrjet.
“Faleminderit shumë për gjithçka Top Channel. Faleminderit edhe për 4 vjet që më keni dhënë bukë për të ngrënë, faleminderit që po ma shkatërroni jetën, faleminderit që nuk po ma lini të harrojë një skenë shumë të rëndë për mua dhe familjen time”, shprehej mes të tjerash Fifi pak ditë më parë.
Discussion about this post