Fifi është një nga artistet më të pëlqyera dhe më të klikuara nga audienca që shpesh merr vëmendje me muzikën e saj, që ajo sjell në treg por gjithashtu dhe për jetën personale.
Së fundmi, pas daljes nga shtëpia e “Big Brother Vip”, Fifi ka qenë shumë e përfolur edhe për lidhjen e saj me Adis Patushin, i njohur në publik edhe si ish-partneri i modeles së njohur Adrola Dushi me të cilën ka dhe një djalë të vogël të quajtur Troi.
Një postim i Fifit para pak ditësh ka trazuar rrjetin pasi fjalët e saj janë konsideruar si ulje e figurës së gruas. Lidhur me këtë deklaratë ka reaguar dhe gazetarja Zhaklin Lekatari me anë të një video selfie mëngjesin e nesërm duke u shprehur shumë e indinjuar lidhur me fjalët e këngëtares. Dhe një kundërpërgjigje nuk ka munguar nga Fifi, e cila fillimisht postoi në Instastory një shprehje thumbuese që dukej qartë se i drejtohej Zhaklinës.
Vetëm pak minuta më parë Fifi ka postuar disa foto në rrjetin e saj social Instagram duke dhënë edhe një koment lidhur me këtë çështje dhe gjithashtu ka lajmëruar edhe një super këngë të re, por nuk e ka zbuluar se me cilin artistë do të jetë në bashkëpunim këtë herë.
“Ndërkohë që të tjerët po merren me virgjërinë time unë po paralajmëroj që për nja 5-6 ditë del një super ‘Djegie’ me erëza “Tallavaje” ….. Ft Fifi ? Gjejeni me kë.”
Kujtojmë se vetëm pak ditë më parë bukuroshja lansoi bashkëpunimin e saj më të fundit me këngëtaren e njohur, Tuna e cila këto kohë ka pasur rikthimin e saj pas një periudhe mjaft të gjatë pauze. ‘Melaqe’, projekti që bashkoi dy artistet duket se po korr një sukses të madh pasi vetëm pak pas lansimit ka arritur plot 2 milion klikime në platformën YouTube.
Discussion about this post