Momentet e vështira të Fifit brenda shtëpisë dhe sjellja e konkurrentëve të tjerë ndaj saj kanë nxitur debate të forta mbrëmjen e djeshme në “Post Big Brother VIP”. Këngëtarja ka debatuar dhe me Arditin.
Arditi është shprehur se është penalizuar nga Fifi kur doli nga shtëpia e famshme. Duke komentuar këtë deklaratë, këngëtarja tha se nuk kanë qenë asnjëherë miq të ngushtë.
Sipas saj, ata nuk i kanë qëndruar pranë kur ka pasur nevojë. Mes debatit, Fifi u përball dhe me Ardit Çunin, që herë pas herë i thoshte të mos fliste.
“Ti mos fol fare”, i tha ajo, kur këngëtari jepte mendimin e tij për çështjen.
Më herët, dy artistët debatuan për disa komente që Fifi ka dëgjuar: “Pashë titujt e portaleve, ku ti pasi ke dalë ke thënë se unë jam shoqja jote e ngushtë, nuk është e vërtetë”.
“Kam thënë që të kam pasur afër gjatë qëndrimit brenda shtëpisë, nëse ecën vetëm me titujt e portaleve, problemi yt”, u përgjigj Arditi.
Pjesë nga biseda:
Arditi: E kam pa të nevojshme prej problemeve që ke pasur jashtë. Unë të kam parë në shumë situata, në koncerte, në xhirime.
Fifi: E ka parë Arjola. Ti ke thënë që ke qenë shoku im i ngushtë.
Arditi: Unë kam thënë kam qenë shoku i ngushtë brenda.
Fifi: Unë ta bëra një pyetje, pse më ke ndejt afër?
Arditi: Prej problemeve që ke pasur.
Fifi: Çfarë problemeve kam pasur?
Kujtojmë se Fifi u largua nga shtëpia e BBV pas gjendjes emocionale që përjetoi duke përfunduar në të fikët.
Discussion about this post