Në një bised me Granitin, Fifi ka treguar disa momente nga marrëdhënia e saj me Semi, para se të bëheshin pjesë e “Big Brother VIP”. Por gjërat që Filloreta ka thënë në bisedë e sipër, kanë revoltuar shumë ndjekës, të cilët nuk kanë nguruar të shprehin opinionin e tyre në faqen zyrtare të emisionit.
Gjatë bisedës me Granitin, Fifi ka treguar se Semi ka qenë në një gjendje mjaft të keqe dhe konsumonte vetëm cigare, alkool dhe ilaçe.
“Edhe pasi e mora vesh gjendjen e Semit. Kjo as nuk hante, as nuk ka pirë. Cigare, alkool, veç kaq. Cigare edhe alkool, edhe ilaçet. Nisi të rrinte me mua, nisi edhe të hante, nisi të pinte kafe, gjëra të tjera. Alkool pinim veç në darkë, kur mblidheshim në studio, ose kur dilnim. U sëmur, e mora të shtëpia, e mbajta afër, sikur një njeri që kisha vite që e njihja. Kjo është esenca, që unë kur jap, jap 100%. Nuk jam ‘prit të rezervohem ndopak, të shoh si po më del’”, ka thënë Fifi.
Në video është e paqartë se për çfarë bëhet fjalë, por sidoqoftë njerëzit kritikojnë faktin që Fifi tregon detaje personale nga jeta e Semit pa miratimin e saj.
“Të tregosh një gjë kaq personale është e tepërt”- shkruan dikush mes shumë të tjerëve.
“Ti arrin në atë pikë sa nuk i beson sëmundjen (kur e ke ditur që jashtë se ajo ka marrë ilaçe)” lexohet në një tjetër koment.
Fifi nuk ka ndaluar me rrëfimet e saj ndaj Semit, pasi ajo gjithashtu tregon se kantautori, Flori Mumajesi, i ka kërkuar Semit që të falënderojë Fifin. Me gjasë bëhet fjalë për pjesëmarrjen e Semit në “Këngën Magjike”.
Edhe në këtë video vihet re se pjesa dërrmuese e komenteve janë sërish negative. Sipas njerëzve, Fifi po e tepron duke kujtuar “nderet” dhe duke kujtuar të mirat që i ka bërë.
Përpos kësaj, Fifi thotë se Semi i shkruante minimumi dy herë në muaj, por ajo sërish nuk i kthente përgjigje. “Para se të hynim këtu, i kemi bërë bllok njëra-tjetrës,” thotë ajo.
Discussion about this post