Ndërsa po e zhyt vendin çdo ditë në krizë energjetike, KESH në vend të marrë masa dhe të ndal abuzimet, mëson qytetarët se si të kursejnë par. Në një njoftim të bërë publik, Korporata Elektroenergjetike Shqiptare, ka paralajmëruar qytetarët që të tregohen të kujdesshëm dhe të kursejnë energjinë elektrike. KESH këshillon qytetarët që të fikin llambat për 4 orë çdo ditë për të kursyer, duke iu thënë se kështu kursejnë edhe para përveçse energji.
“Kursejmë energjinë që ta kemi! Sa herë që kursen energji, ti ke kursyer para! Fikni 2 llamba për 4 orë, çdo ditë dhe kjo do të përkthehet në 58.4 këh të kursyer në vit dhe 654 lekë më pak në faturën tuaj. Sikur këtë veprim ta kryejë çdo familje e një qyteti në vend, do të kursehej mesatarisht 3,500 MËh dhe 39,3 milionë lekë në vit, ndërsa sistemi energjetik do të kursejë nga kostot e importit në kushtet e sotme, mesatarisht 307 milionë lekë në vit për çdo qytet”, thuhet në njoftim.
Në këto ritme vendi ynë po kthehet në kohën e mesjetës, pasi pak ditë më parë zëvendëskryeministrja Belinda Balluku na kërkoi që të lajmë rrobat me gradë më të ulët dhe të mos mbajmë shumë gjatë kondicionerin ndezur. Ndërsa muaj më parë sugjerimi i saj ishte që njerëzit të ecin në këmbë për në punë për të kursyer naftë.
Discussion about this post