Sot në orën 13:00 me të Shqipërisë starton ceremonia e hapjes së Lojërave Olimpike ‘Tokio 2020’. Plot 204 shtete dhe më shumë se 11,238 sportistë do të garojnë në 33 sporte dhe 50 disiplina të ndryshme.
Lojërat do të zgjasin deri më 8 gusht dhe Olimpiada do të presë plot 339 evente. Nga Tokio raportohet së në Stadiumin Olimpik do të jetë perandori japonez Naruhito ai që do të hapë zyrtarisht Olimpiadën.
Ceremonia hapjes do të bëhet nën masa të rrepta sigurie për shkak të situatës së krijuar nga pandemia Covid-19, ndërsa në stadium do të lejohen vetëm 1 mjë persona, që do jenë funksionarë, të ftuar dhe media.
Për shkak të pandemisë edhe numri i delegacioneve që do të parakalojnë do të jetë tepër kufizuar. Kjo ceremoni do të zgjasë 3 orë dhe do jetë e thjeshtë dhe me momente të inspiruara nga drama që pandemia Covid ka shkaktuar në mbarë botën.
Ndërkohë tashmë pak orë para startimit të Lojërave Olimpike presidenti i Komitetit Olimpik Ndërkombëtar, Tomas Bah, i pyetur se si do të ndihet gjatë hyrjes në stadium për inaugurimin u shpreh: “Nuk jam profet. Të shikojmë. Mendoj që ceremonia e hapjes do të jetë një çlirim i madh për të gjithë.
Është një ndjesi çliruese për vetë faktin se rruga për të mbërritur këtu nuk ka qenë e lehtë. Nuk po jetojmë në një situatë të qetë, e për këtë duhet që të gjithë të reagojmë dhe të gjejmë rrugën e duhur për lëvizjen olimpike”.- u shpreh ai./Gijotina.com
