Drama e mirënjohur shqiptare “Zgjoi” ka hyrë zyrtarisht në mesin e 14 filmave të përzgjedhur për kategorinë e filmave ndërkombëtar. Thënë ndryshe “Zgjoi” është pjesë e listës së ngushtë për të kaluar drejt çmimeve “Oscar”.
Më 8 shkurt bëhen të ditur 5 filmat e nominuar në këtë kategori derisa më 27 mars do të mbahet ceremonia kryesore.
“Zgjoi” është një dramë e zjarrtë e bazuar në historinë e vërtetë të Fahrijes, e cila, si shumë nga të vejat në fshatin e saj patriarkal në Kosovë, duhet të gjejë një mënyrë për të siguruar familjen e tyre.
Në sfondin e trazirave civile të Evropës Lindore dhe mizogjinisë së vazhdueshme, Fahrije dhe gratë e fshatit të saj bashkohen në një luftë për të gjetur shpresë përballë një të ardhmeje të pasigurt.
Zgjoi me regji të Blerta Bashollit, ka fituar edhe dy çmime në edicionin e sivjetmë të Festivalit “Arcs Film Festival”.
Së fundmi, regjisorja Blerta Basholli ka bërë të ditur se filmi i saj është përfshirë në “Filmat më të mirë të vitit 2021, sipas kritikëve të radios “ËBUR”, e cila është e vendosur në Boston, Massachusetts, në pronësi të Universitetit të Bostonit.
Discussion about this post