Formati i ri i Kategorisë Superiore është komentuar shumë këto ditë duke shkaktuar debat mes grupeve të interesit si dhe tifozëve të cilët e kanë vlerësuar si dhe kritikuar duke dhënë dhe arsyet e ndryshme për opinionin e tyre.
Njëri prej personave më të fundit që është shprehur në lidhje me formatin e ri të kampionatit kombëtar të futbollit është dhe presidenti i Tiranës, Refik Halili, i cili nuk e mbështet ndryshimin që ka bërë Komiteti Ekzekutiv i FSHF-së, duke u shprehur kundër ndryshimit të formatit, sidomos faktin që fati i titullit kampion do vendoset, de facto, nga vetëm 3 ndeshje.
“Jam kundër në parim, por argumentin tim për këtë çështje do ta jap pas disa ditësh”, theksoi bosi i “Gjigandit të Europës Juglindore” pasi u pyet nga media shqiptare “Panorama”.
Discussion about this post