Kombëtarja U21 e Anglisë vazhdon të mbretërojë në futbollin evropian. Skuadra angleze e mposhti Gjermaninë në një finale dramatike që u mbyll pas kohës shtesë me rezultat 3-2, falë golave të shënuar nga Elliott, Hutchinson dhe goli vendimtar nga Rowe.
Për gjermanët, golat e Weiper dhe Nebel, që bënë të mundur rikthimin nga një disavantazh 0-2 në 2-2, nuk mjaftuan për të fituar trofeun.
Gjermania do ndjejë keqardhje për dy traversat e goditura në kohën shtesë të ndeshjes, që mund të kishin ndryshuar fatin e finales.
Anglia arriti në finale pasi eliminoi fillimisht Spanjën dhe më pas Holandën, ndërsa Gjermania, pasi kaloi Italinë në çerekfinale, arriti të mposhtte edhe Francën në gjysmëfinale.
Me këtë sukses, Anglia ka siguruar titullin e katërt evropian në historinë e saj për kategorinë U21 (titulli i dytë radhazi pas fitores ndaj Spanjës dy vite më parë).
Kombëtarja angleze ka lënë pas Gjermaninë, e cila mbetet me tre tituj, dhe tashmë renditet e treta në Europë për nga numri i trofeve të fituar, pas dyshes kryesuese Spanjë dhe Itali (nga pesë tituj secila).
gijotina.com/
Discussion about this post