Vëllai i Madh ka përdorur një mekanizëm të ri për finalistin e parë të këtij edicioni të “Big Brother VIP”. Mbrëmë në dhomën e rrëfimit banorët janë thirrur një e nga një për të thënë dy emrat që ata dëshirojnë në finalen e madhe.
Me shumicë votash nga banorët, më të votuarit kanë qenë Luizi Ejlli me 4 vota, Dea Mishel me 4 vote dhe Krist Aliaj me 3 vota.
Për këtë arsye, dy banorët me më shumë vota do të përballen me njeri-tjetrin në një televotim që u hap gjatë mbrëmjes së djeshme, ku do të jetë publiku ai që do të zgjedh me anë të votave finalistin e parë. Finalisti i parë do të shpallet gjatë spektaklit të së shtunës.
Ndërkohë gjatë darkës, Luizi pasi falënderoi ata që e kanë votuar për të qenë finalisti i parë, i bie në kokë se sa vota mori ai, Dea dhe Kristi.
Madje këngëtari nuk e pati aspak problem të thoshte se ai ka thënë emrin e Kiarës dhe Kristit. Në këto momente e pyet Qetsori se pse nuk doli Kristi në televotim me Dean?
“Se di. Kemi pasur më shumë unë e Dea. 4-4-3”, tha Luizi, duke e gjetur fiks.
Si votuan banorët:
Kristi – Dea dhe Jori
Bledi – Luizi dhe Dea
Qetsori – Nita dhe Kiara
Efi – Luizi dhe Kristi
Jori – Luizi dhe Dea
Luizi – Kiara dhe Kristi
Kiara – Luizi dhe Efi
Nita – Bledi dhe Dea
Dea – Nita dhe Kristi
Discussion about this post