Për një mbarëvajtje të sigurt të situatës së finales së madhe të Conference League, e cila do të luhet në orën 21:00 në stadiumin “Air Albania”, Policia e Kosovës me vullnetin e plotë do të niset për në Tiranë në ndihmë të policisë shqiptare.
Zëdhënësi i Policisë së Kosovës, Baki Kelani, ka konfirmuar për Express se për këtë ndeshje do të jetë edhe ndihma e tyre për efektivët e Tiranës.
“Referuar bashkëpunimit të ndërsjellët në mes të Policisë së Kosovës dhe Policisë së Shqipërisë, si dhe referuar ndeshjes sportive e cila pritet të mbahet sot, Policia e Kosovës do të dërgoj disa zyrtar policorë në Tiranë”, tha Kelani.
Sot në orën 21:00 luhet finalja e Conference League mes Romës dhe Feyenoord. Finalja do të luhet në stadiumin Air Albania në Tiranë në praninë e 20 mijë tifozëve. Në stolat e stadiumit do të ulen yje të mëdha të futbollit botëror, por dhe veteranë të Kombëtares Shqiptare, Presidentë federatash, Presidenti i FIFA-s dhe të tjerë personalitete të futbollit botëror.
Discussion about this post