Dy tragetë të linjës së Barit sapo kanë mbërritur në portin e Durrësit. Bëhet me dije se kanë qenë 1100 pasagjerë të tifozëve Romës të cilët kanë ardhur me linjën e tragetit Bari-Tiranë. Gjithashtu pritet që me tragetin e Ankonës të vijnë edhe 214 udhëtarë.
Roma dhe Feyenoord do të luajnë sot finalen në Tiranë. Finalja e Conference League merr jetë në 21:00 në “Arenën Kombëtare”, teksa gjithçka duket se është gati.
Organet qendrore dhe vendore të qeverisë kanë bërë me dije se shumë nga rrugët e Tiranës do jenë të bllokuara, ndërsa nuk do lejohet të futen në kryeqytet shtetasit shqiptarë që nuk kanë një biletë për finalen në 25 maj.
Ditë pushimi dhe pa makina, shumë nga rrugët do jenë të bllokuara, me unazën e vogël që do jetë vetëm për lëvizjen e tifozëve dhe urgjencave. Rruga e Elbasanit dhe ato rreth stadiumit do jenë të bllokuara, si edhe Bulevardi “Dëshmorët e Kombit”.
Rrugët me ngjyrë të kuqe tregojnë se nuk do të lejohet asnjë qarkullim makinash. Me ngjyrë të verdhë do të jenë në gjendje të lëvizin vetëm automjetet e personave që kanë një biletë.
Me ngjyrë jeshile janë rrugët që do lejohet qarkullimi për fansat, stafin dhe policinë. Me ngjyrë kafe do të jenë rrugët e emergjencës. Ndërsa me ngjyrë blu janë rrugët që të çojnë në stadium.
Discussion about this post