Big Basta është fituesi i edicionit të dytë të Ferma VIP. Pas 24 javësh Big Basta është kurorëzuar si fituesi i Ferma VIP 2.
“Fitues i Ferma VIP 2 është Big Basta”, u shpreh Luana Vjollca mes emocionesh, ndërsa lexonte verdiktin e publikut.
Kujtojmë që në finale ishin 5 fermerë, Andueli, Big Basta, Andrea, dhe Big Mama.
Ishte Erandi ai që u largua i pari, më pas Big Mama dhe i treti Andrea.
Në finalen e madhe mes emocioneve dhe surprizave u kurorëzua si më i miri dhe më i votuari nga publiku Big Basta.
Pak para shpalljes së finalistit, për Big Bastën ka reaguar edhe partnerja e tij, këngëtarja Vesa Luma, e cila ka ndarë një mesazh në rrjetet sociale, duke shprehur mbështetjen dhe krenarinë për të.
Përmes një postimi në Instagram, Vesa shprehet se Big Basta ka përfaqësuar me dinjitet mijëra familje shqiptare, duke promovuar vlera, respekt dhe një sjellje frymëzuese për të rinjtë.
“Djalin e ke bërë krenar sa s’ka, jeta ime. Kështu je rritur ti, unë, dhe të gjithë ata që na rrethojnë familjet tona dhe jo vetëm! Qindra mijëra familje shqiptare i ke përfaqësuar nga sjellja jote aty.
Por… është shumë e vështirë lufta jote sonte: duke ditur se si është ‘servuar’ ndër vite loja e një reality shoë. Edhe pse kam shumë shpresë që njerëzit janë të lodhur dhe duan modele të mirë për të rinjtë sot, e të shkoj misioni yt deri në fund!
Sido që të jetë e sido që të dalësh – me fitore apo jo, sonte do të jetë një nga netët më të bukura të jetës tënde dhe të gjithë jemi jashtëzakonisht krenarë për ty!
Suksese të gjithë fermerëve dhe fitoftë më i miri!”, shkruan Vesa.
Discussion about this post