Në selinë blu po zhvillohet një konferencë nga Komisioni i Organizimit dhe Kontrollit të Operacioneve Elektorale i Partisë Demokratike. Përballë gazetarëve të pranishëm, u diskutua dhe procesi i primareve nga të cilat do të dalin dhe kandidatët e kësaj force politike për zgjedhjet vendore. Ndërkohë kryetarja e këtij komisioni Albana Vokshi është pyetur nga gazetarët se me çfarë parash janë duke u zhvilluar primaret duke qenë se “financat” aktualisht janë në dorë të grupimit të Alibeajt?
Vokshi u shpreh se shpenzimet për këtë proces janë minimale dhe se i kanë marrë përsipër vetë degët.
“Ne kemi kaluar që në datë 11 dhjetor, disa primare për çdo degë. Nuk janë financa të konsiderueshme, bëhen në seli të PD-së. Çdo anëtar është i ftuar në qendra…Në informacion që unë kam, historinë e zgjedhjeve në katër vite të fundit, shpenzimi është minimal dhe degët e kanë marrë përsipër. Nuk ka financa të konsiderueshme nga ana e PD.”, tha ajo.
Discussion about this post