Pas tensioneve dhe kërcënimeve nga ana e Rusisë, Finlanda dhe Suedia kanë dorëzuar sot aplikimet e tyre për t’iu bashkuar NATO-s. Hapi i tyre u njoftua nga Sekretari i Përgjithshëm, Jens Stoltenberg.
“Aplikimet që keni bërë sot janë një hap historik. Aleatët tani do të shqyrtojnë hapat e ardhshëm në rrugën tuaj drejt NATO-s. Duhet të merren parasysh interesat e sigurisë së të gjithë aleatëve dhe ne jemi të vendosur të punojmë për të gjitha çështjet dhe të arrijmë përfundime të shpejta.”, -tha Stoltenberg pas marrjes së aplikimeve nga ambasadorët finlandez dhe suedez në selinë e NATO-s në Bruksel.
Procesi i pranimit mund të zgjasë dy javë, ndërkaq ratifikimi në parlamentet e 30 shteteve anëtarë deri në një vit. Pavarësisht se procesi i pranimit pritet të marrë kohë disa javë, presidenti i Turqisë, Recep Tayyip Erdogan ka deklaruar se do të vendosë veton kundër anëtarësimit të dy shteteve nordike.
Discussion about this post