Finlanda do ndërtojë një mur 200 km në kufirin me Rusinë

Finlanda ka prezantuar planin për sigurimin e kufirit me Rusinë, i cili parashikon një gardh 200 km, me një kosto prej rreth 380 milionë euro.

Do të jetë një gardh më shumë se tre metra i lartë me tela me gjemba, kamera, drita dhe altoparlantë, bëri të ditur menaxheri i projektit i prezantuar nga Agjencia Kufitare.

Projekti, i mbështetur nga kryeministrja Sanna Marin dhe partitë kryesore politike u sugjerua muajin e kaluar.

Helsinki, që nga pushtimi rus i territoreve ukrainase, është gjithnjë e më i shqetësuar për kalimet ilegale në shkallë të gjerë përgjatë kufirit lindor, të cilin mijëra qytetarë po përpiqen të kalojnë për t’i shpëtuar mobilizimit ushtarak të Moskës.