Milani nuk ia ka dalë të fitojë kundër Torinos në transfertë, sikurse kishte ndodhur më parë edhe me Interin. Këtë herë zikaltrit përfitojnë, por duhet të marrin pikët e plota në ndeshjen e prapambetur kundër Bologna që të marrin vendin e parë me një pikë më shumë se Milani që kryeson tani.
Në duelin e mbrëmshëm portieri i kombëtares shqiptare, Etrit Berisha, ishte në gatishmëti në rastet që u paraqitën dhe nuk i lejoi kuqezinjtë të shënonin. Në fund gjithçka përfundoi 0-0.
Interi ka festuar edhe për fitoren e Fiorentinës, kundër Napolit në transfertë. 3 gola të shënuar nga skuadra “Vjollcë”, që mbetet në garë për një vend në kupat e Europës, pavarësisht se Roma e Lazio i morën pikët e plota.
Discussion about this post