Ish-anëtari i kryesisë së PD, Arben Ristani, ka komentuar sot listën me emrat e delegatëve që lexoi Gazmend Bardhi për Kuvendin e 18 dhjetorit. Gjatë një interviste televizive, Bardhi tha se pjesa më e madhe janë të falsifikuara, ndërsa pjesa tjetër janë “deklarime qyfyrexhinjsh”.
“Ato janë deklarime qyfyrexhinjsh në një vend qyfyresh sepse demokratët do të vijnë nesër. Nesër në datën 11 në shesh të burrave për të zhvilluar takimin e tyre, vendimmarrjen e tyre dhe për të vënë në brazdë PD”, tha Ristani. Përsa i përket çështjes së vulës dhe siglës, Ristani tha se këto çështja do të sqarohen në Kuvend.
Më tutje, Ristani ka folur erdhe për Kuvendin e 11 dhjetorit të thirrur nga ish-kryeministri Sali Berisha. Ristani theksoi se Kuvendi i 11 dhjetorit ka të bëjë me nevojat e rithemelimit të PD dhe me shkarkimin e kryetarit, Lulzim Basha. “Kuvendi nuk ka të bëjë me konfliktin në raport me shpalljen “non grata” të Berishës. Ka të bëjë më nevojat e rithemelimit të PD dhe me shkarkimin e kryetarit. Zgjedhja e kryetarit të ri ende nuk është në agjendë, gara nuk është hapur. Nëse Berisha do të jetë në garë dhe demokratët do e zgjedhin kryetar, vullneti i demokratëve vetëm duhet respektuar”, u shpreh ai, ndërsa theksoi i bindur se pas 11 dhjetori, Partia Demokratike do të marrë kthesën për ringritje.
Discussion about this post