Kryetari i Degës Nr. 4 në Tiranë Ervin Goxhaj, ka hequr nga grupi në “WhatsApp” të gjithë anëtarët e Shtabit me të cilët ka punuar në zgjedhjet e 25 prillit dhe ka lënë vetëm veten dhe 2 persona. Lajmin e ka bërë të ditur me anë të një postimi në rrjetet sociale Drejtuesi i Departamentit të Mjedisit në Partinë Demokratike, Abi Malltezi. Sipas tij, Goxhaj bëri këtë veprim i kur mori vesh se 90% e degës kishin votuar për të firmosur formularin për thirrjen e Kuvendit, i ka hequr të gjithë nga grupi i “WhatsApp” dhe ka mbajtur vetëm 2 persona.
“Edhe ky hallexhiu raportonte mbështetje 95%. Kur mori vesh se 90% e degës kish firmos formularin për thirrjen e kuvendit, i hoqi të gjithë nga lista e mbajti veç dy vetë. Sot do raportojë se e ka mbështetjen 100% (tek ata dy veta por nuk ka ndonjë rëndësi ky teknikalitet). E bën për “të ruajtur unitetin e PD”, shkruan me ironi Malltezi.
Përçarjet në PD kanë filluar që kur Basha largoi Berishën nga PD, për shkak të vendimit “non-grata”. Tashmë dhe simpatizantët janë ndarë në dy kahe.
