Antonio Conte duket shumë afër marrjes së drejtimit të stolit të Tottenham. Italiani raportohet se pak më parë ka mbërritur në Londër së bashku me grupin e tij.
Specialisti i transferimeve Fabrizio Romano ka bërë me dije se Conte dhe klubi i ‘Spurs’ do të firmosin kontratën në orët në vijim, teksa italiani do të takohet shumë shpejt me drejtorin Paratici.
Ai pritet të nënshkruajë që marrëveshje që i jep drejtimin e Tottenham deri në përfundim të sezonit në 2023-shin dhe përfitimi i Contes do jetë 15 milionë euro në sezon.
Romano ka shkuar më tej duke shprehur siguri se ditën e nesërme tekniku italian do i bashkohet skuadrës së ‘Spurs’ në stërvitje.
Ndërsa rikujtojmë se ditën e sotme Tottenham shkarkoi nga detyra e trajnerit Nuno Espirito Santos, vendim që erdhi pas humbjes 3-0 ndaj Manchester United./K.T/Gijotina.com
