Biznesi i vogël në Tregun Industrial në Shkodër është ngritur në protestë për të kundërshtuar procesin e fiskalizimit, i cili ka rritur kostot e tyre duke i çuar drejt falimentimit. Me datë 1 shtator hyri në fuqi ligji i fiskalizimit edhe për bizneset e vogla, i cili iu shton barrën fiskale duke e bërë të pumundur funksionimin e tyre.
Në një protestë të organizuar, ku një pjesë e konsiderueshme e qepenave ishin të ulura, pronarët e bizneseve të vogla deklaruan se kostove të fiskalizimit iu shtohen edhe tarifat bazë si; energjia elektrike, uji dhe qiraja, duke e bërë të pamundur që ata të dalin të fituar, përkundrazi rezultojnë me humbje.
Një pensionist, i cili ka një biznes të vogël me familjen e tij thotë se kjo është një goditje e drejtpërdrejtë për t’i falimentuar.
“Këtu në këtë treg është mbijetesë. Ne jemi të vetëpunësuar, të na shtohen edhe gjithë këto taksa është fatale. Unë jam pensionist prej tre vitesh dhe këtë biznes të vogël familjar e menaxhon gruaja ime.Paguajmë sigurimet shoqërore të gruas që kanë ardhur duke u shtuar, taksat e bashkisë dhe faturat e energjisë elektrike, ujit di dhe qiranë e dyqanit. Pra me kaq shumë taksa nuk ia dalim, atëherë me çfarë të jetoj unë. Këtë situatë e shoh jashtëzakonisht të vështirë, sidomos me shtimin e këtyre taksave. Tregu industrial është sa për t’i bërë qejfin vetes, ne jemi në mbijetesë”, tha ai.
E.H /gijotina.com/
