Ndonëse mund të duket e pamundur, një qytetar francez ka arritur të fitojë 217 milionë dollarë në një lotari në dhjetor 2020, por çfarë do t’ju habisë është veprimi i tij pasi fitoi atë shumë marramendëse.
Personi në fjalë ka vendosur që t’i shpenzojë pothuajse të gjitha për të ndihmuar në shpëtimin e planetit. Duke folur për Le Parisien, fituesi, që mban pseudonimin “Guy “ tha se prioriteti i tij është shpëtimi i planetit.
“Nga këndvështrimi im, prioriteti sot është shpëtimi i planetit. Ne duhet të veprojmë. Është një emergjencë absolute. Nëse nuk bëhet asgjë në këtë drejtim, të gjitha veprimet e tjera do të jenë të kota. Ne nuk do të ekzistojmë më. Në momentin kur kuptova se isha fituesi me fat i EuroMillions, pata vullnetin për të ndarë fatin tim”, tha ai në intervistën për Le Parisien.
Rezultat i vendosmërisë së Guy është Anyama, një fondacion i quajtur sipas emrit të një qyteti në Bregun e Fildishtë ku ai kaloi disa vite gjatë fëmijërisë së tij, tha fituesi për Le Parisien. Shkencëtarët e klimës nga e gjithë bota raportuan të hënën se energjia e rinovueshme duhet të zërë vendin e karburanteve, për të parandaluar ndikimet edhe më vdekjeprurëse dhe shkatërruese të krizës klimatike.
Discussion about this post