Me siguri, dhuratat që ka marrë kryeministri Edi Rama për fitoren e mandatit të tretë kanë qenë të shumta, por duket se dhurata që ka marrë nga skuadra e tij e zemres, Juventus, është ndër të preferuarat e tij.
Bëhet fjalë për një fanellë të skuadrës së Juventusit, që mban emrin e tij me numrin 3 të stampuar, që përkon me numrin e mandateve të fituara nga socialistët.
Më tej, Rama shkruan se tashmë Interistat duhet të sillen mirë dhe të kenë respekt për të mundurit duke marrë shembull nga ai që sillet mirë me kundërshtarët politikë.
“Ja edhe urimi nga Juvja për Mandatin e Tretë. Grazie Juve. Ju interistat silluni mirë se jeni kampionë tani, merrni shembull nga unë, kini respekt për të mundurit”, shkruan Rama.
