Fitoi miliona lekë në “Tik-Tok”, Noizy vendos që të ndërtojë 3 shtëpi

Reperi i mirënjohur Noizy, së fundmi ka shënuar rekord suksesesh edhe pse pati një shkëputje disa vjeçare nga muzika.
Krahas angazhimeve në biznes, duket se bashkëpunimet muzikore me këngëtarë të njohur të estradës, kanë sjellë fitime të mëdha financiare, kjo pasi reperi numëron miliona klikime në youtube.

Mbrëmjen e djeshme ai ka zhvilluar një sfidë në “tik tok”, me një personazh të njohur sirian dhe arriti që të fitojë një shumë të madhe parash nga dhuratat që i dërguan miqtë e tij gjatë sfidës.
Përmes një postimi në Instastory, ai dha lajmin e gëzueshëm, që pas fitores paratë do të shkojnë për ndërtimin e tri shtëpive, ku bën me dije se puna ka filluar që sot.
Rigels Rajku ka bërë me dije se një shtëpi do të ndërtohet në Kukës, një në Tropojë dhe e treta në Durrës.

Përveçse është një këngëtar i suksesshëm, reperi e dëshmoi edhe një herë për shpirtin e tij human.