Edison Memolla, i cili fitoi zgjedhjet për bashkinë e Rrogozhinës ka falënderuar të gjithë qytetarët, të majtë e të djathtë që siç tha ai e kanë mbështetur në këto dy muajt.
Fitoren me 1400 vota më shumë ndaj rivalit të koalicionit “Bashkë Fitojmë”, Memolla e arsyeton me faktin që ka pasur një mbështetje më të madhe se në 14 maj.
“Kam një falënderim për popullin e Rrogozhinës të majtë e të djathtë që më besuan, Ju jam mirënjohës atyre për të gjithë mbështetjen, të gjithë bashkëpunëtorët e mi dhe familjarët e mi. Surpriza nuk kishte ne morëm mesazhin e 14 majit, për defektet që kishim dhe tani mësuam nga gabimet dhe në këto 2 muaj punuam fort.
Kishim mundësi të rikuperonim dhe të kërkonim ndjesë. Rezultati tregoi që ja dolëm. Kjo tregon që programi ynë ka qe ë më i mirë se programi i atij tjetrit. Gjatë kësaj kohe ka qenë një fushatë shtëpi më shtëpi, ka qenë kjo gjë që ne na kanë ndikuar.
Kanë qenë dy muaj punë intensive duke kërkuar dorën e bashkëpunimit për ta kthyer në punë. Zotimi im më i madh kthimi i Rrogozhinës në një qytet elitar ”, tha Memolla.
Discussion about this post