Napoli vazhdon të riformatojë skuadrën, pas sezonit historik për ta, 2022-2023, që i pa të triumfojnë në kampionat, për herë të tretë në historinë e tyre.
Një nga protagonistët e atij suksesi, ka bërë placket, duke i dhënë lamtumirën klkubit e duke u rikthyer në atë që e konsideron si shtëpinë e tij të dytë, pas Meksikës.
Hirving Lozano duket se i ka dhënë fund aventurës së tij me Napolin, me sulmuesin meksikan që është gati të rikthehet te ish-skuadra e tij.
Bëhet fjalë për PSV Eindhoven, me këtë të fundit që do t’i paguajë kampionëve të Italisë 15 milionë euro plus bonuset.
Ai u transferua te Napoli në vitin 2019 për shumën e 40 milionë eurove nga PSV-ja dhe tashmë rikthehet sërish në skuadrën holandeze pas katër vitesh.
Discussion about this post