Këngëtarja e njohur shqiptare, Bebe Rexha, me anë të një postimi në Instagram, ka uruar Britney Spears për për lirinë që fitoi, pas 13 vitesh nën kontrollin e të atit.
Ajo poston një foto dhe shkruan se është shumë e lumtur që Britney është e lirë. Përgjatë këtij urimi, ajo tregon edhe një histori të shkurtër që ka kaluar me këngëtaren e “Toxic”.
“Urime mbretëreshë, e lumtur që fitove lirinë, por tani duhet të mbrojmë më çdo kusht. Mbaj mend se sa e emocionuar isha kur të takova për herë të parë. Truproja jot më lejoi të hyja në dhomën tënde të ndërrimit dhe gjëja e parë që më the ishte se sa kompozitore e mrekullueshme që jam. Më preku shpirtin. Ikona ime, të cilën e pashë dhe u frymëzova gjatë gjithë jetës sime, më tha se isha një kompozitore e mrekullueshme. Ky ishte një moment historik. Jam e lumtur që je e lirë, por tani duhet të të mbrojmë me çdo kusht. Të dua” – shkruan Bebe në Instagram.
Pas një beteje të gjatë dhe të dhimbshme, Britney Spears është më në fund e lirë. Këngëtarja e konsideroi ditën e premte se “ditën më të mirë ndonjëherë” pasi kujdestarisë së saj 13-vjeçare i erdhi fundi.
Përpjekjet për t’i dhënë fund kujdestarisë së Britney-t u rritën në mënyrë dramatike gjatë verës, kur e ndihmuar nga avokati i ri Matthew Rosengart, Britney dëshmoi për herë të parë në gjykatë, një rrëfim që tronditi njerëzit.
“Kam gënjyer dhe i kam thënë botës që jam mirë dhe jam e lumtur. Është një gënjeshtër,” tha Spears gjatë seancës ku kritikoi të atin për mënyrën se si e kishte trajtuar.
Kjo periudhë ka qenë e mbushur me shumë ngjarje në jetën e yllit të popit. Ajo u fejua me të dashurin Sam Asghari në shtator.
Discussion about this post