Rekordmenia shqiptare Luiza Gega ka fituar medaljen e artë në garën 3 mijë metra me pengesa në Serbi, duke vendosur kohën 9 minuta, 21 sekonda dhe 53 të qindtat, teksa ka qenë brenda kufirit për kualifikim.
Bë Krljevo të Serbisë, Gega ka fituar garën me një kohë më të mirë se kundërshtaret, teksa veç medaljes së artë në Ballkan ka marrë të drejtën për të qenë pjesë e “Paris 2024”.
Atletja bëhet sportistja e parë shqiptare që ka marrë të drejtën për të qenë pjesë e Lojërave Olimpike Paris 2024.
Norma për të qenë pjesë e Lojërave Olimpike ishte koha poshtë (9 minuta 23 sekonda 00 të qindtat), me Gegën që ia ka dalë të sigurojë një tjetër sukses.
Pak javë më parë, Luiza Gega shkëlqeu në Lojërat Evropiane Ekipore që u zhvilluan në Poloni. Atletja shqiptare la gjithë garueset pas vetes në garën e 3 mijë metrave me pengesa, teksa vendosi rekord të ri evropian me kohën 9 minuta 17 sekonda dhe 31 të qindtat.
Discussion about this post