Fitonte 30 mijë euro në muaj nga shitja e kokainës, arrestohet shqiptari në Francë

Autoritetet e ANNECY-SEYNOD në Francë vunë në pranga një shqiptar të përfshirë në shitjen e heroinës dhe kokainës disa ditë më parë. Sipas mediave të huaja, aksioni i Policisë nisi pasi një person që dëshironte të mbetej anonim tregoi se një individ me kombësi shqiptare ishte përfshirë në rishitjen e heroinës. Gjatë kontrollit, shqiptarit të paidentifikuar iu gjetën 590 euro para cash, 24 thasë me 87 gramë heroinë dhe 30 thasë me 67 gramë kokainë.

Qarkullimi i përllogaritur gjatë një periudhe 1 mujore në normën prej 20 klientësh mesatarisht në ditë arrin në më shumë se 30,000 euro.

Pasi u vendos në pranga, ai u gjykua menjëherë dhe u dënua me 18 muaj burg. Pasi të kryejë dënimin, ai do të dëbohet nga vendi.