Fitore dhe festë zikaltër në “San Siro”, Çalhanoglu shënon 2 gola dhe i lë vendin Asllanit

Pasi fitoi titullin kampion një javë më parë në derbi ndaj Milanit, Inter nuk është ndalur edhe në sfidën pasardhëse. Zikaltrit fituan 2-0 në shtëpi ndaj Torinos, duke e bërë edhe më të bukur festën me tifozët që do të pasojë në “Piazza Duomo”.

Pjesa e parë pati disa raste të mira shënimi për vendasit, por gjithsesi, ky fraksion u mbyll pa gola. E dyta nis keq për miqtë, që detyrohen të luajnë me 10 lojtarë pas daljes me karton të kuq të Tameses. Për këtë u desh edhe ndërhyrja e VAR.

Dhe nuk vonoi shumë Çalhanoglu zhbllokoi sfidën në minutën e 56-të pas një pasimi të Mkitarian. Ende pa u shuar jehona e festës së golit të parë, zikaltrit përfitojnë penallti dhe turku nuk fal nga pika e bardhë për 2-0 kur regjistrohej minuta e 60-të.

Më pas Çalhanoglu i lë vendin Kristjan Asllanit, që hyri në fushë në minutën e 63-të. Në po të njëjtin minutë hyri edhe kosovari Vojvoda për miqtë. Pavarërisht se Inter krijoi edhe disa raste të tjera shënimi, nuk pati më gola.

Kjo fitore vlen në aspektin e statistikave për Inzagin dhe kampionët e rinj, të cilët do të festojnë titullin gjithë pasdites në rrugët e Milanos me tifozët.

Inter 2023/24 italian chiampions.
The scudetto of the 2nd star.

The official celebrating tifo choreography pic.twitter.com/TUCW9QIcFI

— Tancredi Palmeri (@tancredipalmeri) April 28, 2024