Juventusi mposhti Frozinonen me rezultatin 3-2 në ndeshjen e vlefshme për javën e 26-të në Serinë A.
Dueli u zhbllokua në minutën e 3’ nga Vlahoviç por në të 14-ën Kedira barazoi shifrat. Më pas në të 27’ miqtë përmbysën rezultatin.
Festa e tyre nuk zgjati shumë për shkak se Vlahoviç shënoi një tjetër gol, kësaj herë për të barazuar.
Në pjesën e dytë Allegri bëri disa ndryshime në formacion në kërkim të fitores, zëvendësime këto që dolën të ishin të suksesshme.
Në përfundim të takimit Daniele Rugani (96’) shënoi në cepin e djathtë të portës kundërshtare për rezultatin 3-2 duke kompletuar rikthimin dhe duke i dhënë fund serisë prej katër ndeshjesh pa fitore të Juventusit.
Me këtë fitore Juventusi tani ka 57 pikë në vendin e dytë, gjashtë më pak se Inter që kryeson me 63 pikë, por këta të fundit kanë dy ndeshje më pak se ‘Bianconerot’.
Discussion about this post