Është mbyllur takimi i fazës kualifikuese mes Ishujve Faroe dhe Shqipërisë, i luajtur në kryeqendrën e kësaj krahine autonome daneze, Torshavn.
Takimi është mbyllur me rezultatin e ngushtë 1-2, për miqtë nga Gadishulli Ballkanik.
Pikërisht, djemtë e Silvinjos zhbllokuan rezultatin falë Nedim Bajramit (20’), i asistuar në mënyrë perfekte nga Jasir Asani.
Kuqezinjtë patën disa mundësi, në pjesën e parë, për të dyfishuar rezultatin por, Sokol Cikalleshi nuk ishte në një ditë pozitive, duke arritur kulmin (negativ), me penalltinë e humbur, në minutën e 32’.
Rastet e humbura, bënë që të zbatohej ligji i pashkruar i futbollit, “Gol i humbur, gol i pësuar”.
Ishujt Faroe, barazuan në minutën e fundit të pjesës së parë, me anë të Faero, duke e mbyllur 1-1 këtë fraksion loje.
Në pjesën e dytë, Shqipëria e rikuperoi kthjelltësinë nga goli i pësuar, duke sulmuar portën kundërshtare.
Në minutën e 51’, Kristjan Asllani realizoi një nga golat më të bukur të mbrëmjes, duke mposhtur nga distanca e largët, portierin e Ishujve Faroe.
Goli i shënuar nga kombëtarja shqiptare, nuk e demoralizoi kundërshtarin, i cili iu afrua disa herë, në mënyrë të rrezikshme, golit të barazimit.
Megjithatë, në fund Ernest Muçi realizoi dhe golin e tretë, duke hipotekuar fitoren ndaj ishullorëve danezë.
Shqipëria falë këtij triumfi, shkon në kuotën e 6 pikëve në vendin e dytë në grupin E.
Përsa i përket lojës së zhvilluar, Shqipëria krijoi shumë raste për gol, megjithatë cinizmi është, deri diku, “inekzistent” plus egoizmi i tepërt, i disa lojtarëve, gjatë sulmeve, bëri që rezultati të mos ishte më i thellë.
Discussion about this post