Fitore mes spektaklit, Laçi mposht Teutën me përmbysje

Laçi u rikthye te fitorja në kampionat, teksa mposhti me përmbysje Teutën, në ndeshjen e vlefshme për javën e 28-të në Abissnet Superiore.

Kurbinasit triumfuan me rezultatin 2-1, në një sfidë ku spektakli nuk mungoi. Durrsakët kaluan të parët në avantazh me Dacin në minutën e 65-të, por vetëm 10 minuta më vonë Guindo vendosi baraspeshën.

Në minutën e 90-të, ishte Vasil Shkurtaj, i cili vulosi sfidën duke shënuar golin e përmbysjes për bardhezinjtë.

Me këtë fitore, Laçi ngjitet në vendin e 6-të me 36 pikë, ndërsa Teuta zbret në vendin e 8-të me 34 pikë.