Edhe pse nga burgu, i arrestuar nën akuzën për shitblerje votash pas një përplasje të ashpër në distancë me kryeministrin Edi Rama, kandidati i koalicionit opozitar “Bashkë Fitojmë”, Fredi Beleri arriti të fitojë zgjedhjet e së dielës në bashkinë e Himarës.
Fitorja e Belerit është përshëndetur nga vendi fqinj Greqia, jo vetëm nga kryeministri helen Kiriakos Micotaqis por edhe nga peshngritësi i njohur Pirro Dhima.
Në një reagim në Tëitter, Dhima ka uruar fitoren e Fredi Belerit në zgjedhjet vendore duke theksuar ndër të tjera se “sot drita e së vërtetës mposhti errësirën e ‘terrorizmit’”.
Konkretisht, kampioni olimpik i peshëngritjes ka shkruar: “Sot drita e së vërtetës mposhti errësirën e “terrorizmit”. Urime Fredi Belerit dhe qytetarëve të Himarës historike që me krenari drejtuan staturën e tyre duke shkruar faqen e tyre në librin e historisë së këtij Vendi. #Beleri”.
Discussion about this post