Laçi ka marrë fitoren e pestë radhazi në ndeshjen me Kastriotin që u mbyll me shifrat 2-0. Duke folur pas këtij takimi trajneri i bardhezinjve, Mirel Josa është shprehur se skuadra është me këmbë në tokë dhe shtoi se ishte një nga përballjet më të vështirë të javëve të fundit.
“Problemi është që skuadra ishte me këmbë në tokë, nuk mendoi se e kishte fituar ndeshjen. Ishte një nga ndeshjet më të vështira të kësaj periudhe 5-javore. Fitorja ishte detyrim, pavarësisht pozitave të Kastriotit, që luajti futboll dhe u shfaq si i barabartë në Korçë. Ndikoi pak lodhja te lojtarët e mi. Goli i parë na vuri disi në gjumë, por Kastrioti ishte vendosur mirë dhe duhet të bënim më mirë për të thyer mbrojtjen e tyre, sidomos në pjesën e parë. Ata patën dy raste të mira, jam i kënaqur që nuk pësuam. Duhet të merrnim më tepër thellësi me Guindon, në mënyrë që të kishim mbështetje me Zarubica dhe Mazrekajn. Çerekorëshin e fundit menduam të mos pësonim, edhe pse shënuam golin e dytë me një kundërsulm efikas.”-deklaroi tekniku.
Pas këtij takimi Laçi kaloi në vend të dytë të tabelës së Superligës, megjithatë janë ende edhe 4 ndeshje të tjera për t’u luajtur që do të vendosin renditjen përfundimtare të 2021./K.T/Gijotina.com
Discussion about this post