Kombëtarja shqiptare po përjeton një moment historik në ciklin kualifikues për Botërorin 2026. Me një paraqitje dominuese dhe vendosmëri maksimale, kuqezinjtë arritën të mposhtin Serbinë 1-0 në stadiumin “Dubočica” në Leskovc — një ambient jo mikpritës që nuk mungoi nga provokimet e tifozëve serbë, përfshirë brohoritjet si “Kosovo is Serbia”.
Kjo humbje ka shkaktuar reagime të ashpra nga mediat serbe, të cilat e kanë cilësuar ndeshjen “turpërim epik”, “humbje e dhimbshme” dhe sulm ndaj ekipit kombëtar dhe trajnerit Dragan Stojković, i cili më pas njoftoi dorëheqjen e tij.
Titujt e mediave serbe:
Kurir: “Serbia ka përjetuar një nga humbjet më të vështira në histori. Piksi, erdhi koha! Shqipëria festoi në Leskovac dhe nxori ‘shqiponjat’ jashtë Kupës së Botës.”
SportKlub: “Turpërim dhe katastrofë, Shqipëria nxjerr jashtë Serbinë dhe Piksin.”
Alo Sport: “Mbrëmje e vështirë në Leskovac … Shqipëria trondit Serbinë në ‘Dubocica’. Ekipi përfaqësues është më larg nga play-off-i.”
MozzartSport: “Një turpërim epik që nuk mund të shpëlahet.”
B92: “Një humbje që të dhemb me të vërtetë. Shqipëria në Leskovac distancon Serbinë nga Kupa e Botës.”
Tanjug: “Lojtarët serbë munden nga Shqipëria në Leskovac … vazhdon rrugëtimi për në play-off.”
RTS: “Humbje e dhimbshme në Leskovac, Shqipëria më afër play-off të Kupës së Botës.”
Discussion about this post