Trajneri i skuadrës së Tiranës, Orges Shehi ka theksuar fitorja ndaj Laçit ishte e merituar dhe ai besonte para takimit se do të mernin tre piket.
Fitorja ndaj Laçit- Pas ndeshjes mes Kastriotin, skuadra u stërvit shumë mirë, isha i bindur që do të merrnim një rezultat pozitiv ndaj Laçit.
Që kur e kemi ndërtuar skuadra, kemi thënë që duhet të kthejmë indentitetin e fanellës. Kam kërkuar që asnjë ndeshje mos të humbet, me këtë mentatitet duhet të vazhdojmë. Në javët e para kërkuam të merrnim më shumë, por ka disa faktorë të tjerë që nuk arritëm. Duhet të kërkojmë më shumë edhe nga vetja. Sulmi jonë ka qenë në çdo ndeshje prezent. Kemi shënuar 8 gola, nuk është pak. Autogolat u shkaktuan për shkak të presionit që sulmuesit bëjnë. Xhixha mund të shënonte edhe vetë, por nuk arriti për shkak të fushës dhe shënoi kundërshtari.
Sfidat e radhës- Do të qetësohemi kemi 1 javë pushim, ndeshja e ardhshme do të jetë ndaj Teutës, do të fokusohemi te përballja ndaj kampionëve, pastaj me radhë. Skuadra në 25 ndeshje ka vetëm 1 humbje, atë ndaj Laçit. Skuadra ka stabilitet dhe ekuilibër, skuadra është solide, do të futemi në fushë për maksimumin.
Klima te Tirana- Jemi të qetë, si unë dhe stafi, do të donim të merrnim më shumë pikë. Tirana është një klub që meriton më të mirën. Është klub që nuk ka limite. Kur je pjesë e një klubi të tillë, do të ketë gjithmonë kërkesa, këto më ndihmojnë. Edhe pse aludohet nëpër media, jam shumë i qetë. Çdo ditë i lutem Zotit të kem mirë familjarët, dhe mos humbas miqtë e mirë, ky profesion kështu e ka.
