Presidenti i FSHF, Armando Duka, ka uruar kuqezinjtë pas fitores 2-0 në miqësoren ndaj Bullgarisë.
E ndërsa shprehet se jemi më afër ëndrrës së Europianit 2024, Duka kërkon përgatitjen e kombëtares për dy ndeshjet e nëntorit, që konsiderohen si finale, ajo ndaj Moldavisë dhe tjetra ndaj Ishujve Faroe.
“Nuk kishte si të mbyllej më bukur ky muaj me këtë fitore në miqësoren me Bullgarinë.
Kombëtarja shqiptare na dhuroi gëzim të pamasë pak ditë më parë me atë sukses madhor ndaj Çekisë, duke na afruar më shumë me ëndrrën e Europianit, ndërsa sot na ofroi një tjetër perfomancë të shkëlqyer. Treguam se kemi elementë shumë të mirë, si në formacionin e parë ashtu edhe në stol.
Dua t’i falënderoj të gjithë për këtë fitore e si gjithmonë tifozët tanë të mrekullueshëm, që edhe këtë herë ishin të shumtë në numër dhe krijuan atmosferë fantastike në mbështetje të ekipit.
Bravo çunave, stafit teknik. Pas festës nuk duhet humbur kohë dhe duhet të nisim pëgatitjet për finalet e nëntorit, që janë shumë të rëndësishme. Urime!”, shkruan Presidenti i FSHF.
Discussion about this post