Tirana në festë. Një atmosferë e zjarrtë është krijuar në pothuajse të gjitha rrugët e kryeqytetit pas fitores 3-0 të kombëtares shqiptare ndaj asaj çeke.
Një fitore që vlen shumë, siguron kualifikimin në Euro2024, dhe pse jo, të surprizojmë në kompeticionin më të rëndësishëm europian.
Në rrugë kanë vërshuar jo vetëm tifozët dhe sportdashësit që ndodheshin në Air Albania, por edhe mijëra të tjerë që kanë ndjekur kombëtaren nga lokalet e tejmbushura, sheshi Skënderbej apo banesat e tyre.
Tirana ushton nga boritë e makinave dhe thirrjet e qytetarëve që brenda pak minutash kanë vërshuar në rrugë.
Discussion about this post