Shqipëria ka arritur të marrë rezultatin që dëshironte përballë Hungarisë në shtëpinë e këtyre të fundit në kuadër të kualifikueseve të Botërorit, Katar 2022.
E teksa Shqipëria fiton ndaj Hungarisë në ‘Puskas Arena’ me rezultatin 1-0, urime kanë ardhur edhe nga politika shqiptare.
“Zemrat plot krenari për kombëtaren kuqezi” – shkruan kreu i Partisë Demokratike, Lulzim Basha teksa shpërndan një foto të festës së “Kuqezinjve”.
Ndërkohë Presidenti Ilir Meta shkruan se kjo ishte një super fitore.
“Super Fitore! Urime Kombëtares tonë dhe të gjithë tifozave kuqezinj! ” shprehet Meta.
Gjithashtu kryeministri Rama reagoi më herët, duke shpërndarë disa foto nga fitorja e madhe e Shqipërisë kundër Hungarisë.
Edhe ish-kryeministri Sali Berisha ka uruar kombëtaren e Shqipërisë për fitoren e ndeshjes së sotme në Budapest.
‘Armando Broja, ‘Ylli i Ekipit’ gëzoi zemrat e mbarë shqiptarëve. Një ndeshje e rralle në Budapest! Kuq e Zi-të drejt kampionatit botëror’ – shkruan Berisha në Facebook.
