Fitorja ndaj Moldavisë, Polonia në alarm: Shqipëria na rrezikon pjesëmarrjen në Euro

Shqipëria e trajnerit Sylvinho duket se është në rrugën e duhur për të arritur në Euro 2024< që do të mbahet në Gjermani.

Fitorja 2-0 ndaj Moldavisë në “Air Albania” ishte spektakolare. Loja e kuqezinjve ishte pozitive dhe kjo ka bërë që ky triumf të bëjë jehonë jashtë vendit tonë.

Në Poloni kanë nisur tashmë të ndjejnë presionin e kuqezinjve tanë, pasi të dyja kombëtaret ndodhen me pikë të barabarta duke ndarë vendin e 2 dhe 3-të, teksa Republika Çeke udhëheq me 7 pikë, por me një ndeshje më shumë.

Media polake, “SportëerFakty” ka shkruar në artikullin e saj: “Shqipëria, siç pritej. Nëse dikush në grupin E do të na kërcënonte ajo është Shqipëria”.

Ndër të tjera në artikull thuhet se skuadra e Sylvinhon dominoi ndaj kundërshtarëve dhe e meritoi fitoren.