“Fitova të njëjtin çmim si Messi”, Pedri merr në dorëzim trofeun “Golden Boy”

Pedri ka marrë sot trofeun “Golden Boy” në ceremoninë e mbajtur nga Tutto Sport në Torino. Ylli i ri i Barcelonës nuk harroi pa përmendur Messin dhe tha se është e mrekullueshme që ka fituar të njëjtin çmim si argjentinasi.

“Jam shumë i lumtur që jam këtu për të marrë çmimin si legjendat e tjera që e kanë fituar atë në të kaluarën. Është e mrekullueshme që kam fituar të njëjtin çmim si Messi, i cili për mua mbetet më i miri në botë, është një gjë e pabesueshme”, tha 19-vjeçari.

Ai foli edhe për Barcelonën, të cilën e quajti ekipin e ëndrrave dhe tha se do të punojë fort për ta rikthyer atje ku e meriton.