Përfaqësuesit e Ukrainës në Eurovision, Kalush Orchestra pasi arritën të fitonin vendin e parë deklaruan se do të rikthehen në vendin e tyre për të luftuar kundër pushtuesit. Për të ndihmuar vendin gjatë konfliktit me Rusinë, grupi ukrainas ka shitur për 900 mijë dollarë trofeun që fitoi në Eurovision.
Mikrofoni i kristaltë u hodh në ankand në Facebook me qëllim për të blerë dronë për ushtrinë ukrainase. Prezantuesi ukrainas Serhiy Prytla njoftoi se me paratë do të bliheshin tre dronë PD-2 të prodhimit ukrainas, raporton BBC.
Shitja përkoi dhe me një koncert bamirësie të grupit në Branderburg të Gjermanisë.
Me këtë koncert ata synonin të mblidhnin fonde për kujdesin dhe furnizimet mjekësore.
Discussion about this post