Ditën e sotme Big Brother Vip nuk do të transmetohet në ekran pasi produksionit i është dashur më shumë kohë për të organizuar natën finale të 18 shkurtit.
Top Channel ka hartuar një plan për zëvendësimin e orëve Prime ku në vend të Big Brother VIP do të zhvillohet emisioni “Big Brother Fan Club”. Ky emision nuk do të jetë i drejtpërdrejtë, do të regjistrohet një ose dy ditë përpara.
Pas më shumë se 120 ditëve, spektaklit po i afrohet finales. Panorama Plus shkruan se, ndërkohë të gjithë sytë dhe veshët janë për tek finalja e madhe, që pritet të ketë një audiencë rekord, të shumtë janë ata që pyesnin se çfarë është duke përgatitur stafi për mbylljen e këtij spektakli, por edhe për 4 konkurrentët që ia dolën të shkonin deri në finale.
Sipas kësaj gazete në rrjet ka qarkulluar lajmi se do të jetë Edi Rama ai që do t’i dorëzojë trofeun fituesit. Në disa media lajmi është botuar, duke u shprehur se kryeministri ka rënë dakord që të jetë i ftuari i nderit në këtë format, ku dhe do të kurorëzojë fituesin e madh të 115 mijë eurove, por duket se ky lajm është ende i pakonfirmuar.
Nga brenda Top Channel mësohet se disa nga ish-banorët do të performojnë edhe këngët e reja të kompozuara pasi kanë lënë shtëpinë e Big Brother. Ndërkaq të shumta janë edhe surprizat që produksioni ka përgatitur për ta.
Që nga kontratat e reja që i presin jashtë e deri tek takimet speciale me familjarët e tyre do të jenë vetëm një copëz e atyre që i pret finalistët në finale e madhe të 18 shkurtit.
Discussion about this post