Asokohe 44-vjecari që fitoi një nga çmimet më të mëdha të lotarisë thotë se ka marra disa hapa që e ndaluan të shpërdoronte fitimet, siç kishin bërë më parë shumë kolegë ë tij milionerë të momentit.
Burri që fitoi lotarinë 40 milionë dollarë rreth dy dekada më parë ka treguar sesi arriti të kursejë paratë e tij duke shtrënguar rripat e financave dhe shmangien e shpërdorimit.
Në vitin 1999, portorikani John Falcon fitoi lotarinë më të mëdha e të Nju Jork teksa thotë për rrjetin “Sun Online”, se ishte shumë i lumtur dhe se nuk pengohet për asgjë.
67-vjeçari thotë se pajtoi këshilltarë financiarë që për fat i rezultuan të sinqertë dhe jo abuzues si shumica e rasteve të raportuara deri tani.
Falcon ka shtuar se një prej këshillave pozitive ishte të mos tërhiqje të gjitha paratë njëherësh.
Në një intervistë “ABC News”, Falcon tha: “Unë me pare punoja gjithë ditën si në romanet e Dickens. Por pas fitores së lotarisë nisa të rregulloj dhëmbët dhe bleva një apartament në kullën Trump.”
“Nuk ishte asgjë ekstravagante. Doja të blija një shtëpi sepse jetoja në të njëjtin apartament prej vitit 2002.” Por në të njëjtën kohë, fituesi më i madh i lotarisë në Nju Jork nuk dinte çfarë të bënte me pjesën tjetër të parave. “Bileta nuk të tregon asgjë se çfarë duhet të bësh më pas kështu që ti nuk e ke shumë idenë”.
Fituesi i parave insiston se është shumë i kujdesshëm në shpenzimet veçanërisht pasi kishte parë një shfaqje muzikore teatrale në Broadway të quajtur “Spend Spend Spend” (Shpenzo. Shpenzo, shpenzo) që tregon historinë e një punonjëse fabrike që shpërdoroi të gjitha fitimet e lotarisë në alkool, makina e festa. Falcon shton se ka mësuar të thotë “jo”, pasi paratë sado shumë që të jenë, nuk janë të pafundme.
“Isha 44 vjeç kur fitova lotarinë, do të kishte qenë ndryshe po të isha 24 – do t’i kisha shpërdoruar të gjitha e do të isha duke punuar si operator zgare”, thotë ai me shaka. Falcon tregon se kërkoi që fitimet e tij t’i jepeshin me këste në një periudhë 20 vjeçare, kështu që refuzonte të gjithë mundësitë e investimeve që i ofroheshin vazhdimisht. Ai thotë se nuk ka asnjë pendesë përveç blerjes së apartamentit në kullën Trump.
Discussion about this post